Popular Bible Verses from FAAALIGA, 8

Share

Ua tatalaina foi e ia o lona fitu o faamaufaailoga, ona lologo ai lea o e i le lagi pe atoa le vaeluagalemu o le itu aso e tasi.

Ua ili foi e le agelu muamua le pu, ona i ai lea o le uato‘a ma le afi ua fefiloi ma le toto, ua lafo ifo i le lalolagi; ona susunuina ai lea o lona tolu o vaega o laau, ma ua susunuina vao iti lauolaola uma lava.

Na ou iloa, ma ou faalogo i le tasi agelu ua lele i le taulotoaiga o le lagi, ua faapea mai ma le leo tele, Aue, aue, aue i e o nonofo i le lalolagi, ona o isi iligāpu a agelu e toatolu o le a ilia mai.

Ua ili foi e lona toalua o agelu le pu, ona i ai lea peiseai se mauga tele ua mu i le afi, ua lafo ifo i le sami; ona liu toto lea o lona tolu o vaega o le sami.

Ua ili foi e lona toatolu o agelu le pu, ona paū ai lea nai le lagi o le fetu tele, ua mu e pei o se lamepa, ma ua paū ifo i lona tolu o vaega o vaitafe, atoa ma puna o vai. Ua igoa le fetu o le Oona; ona faaoonaina ai lea o lona tolu o vaega o vai, ua oti foi tagata e toatele i le vai, ina ua faaoonaina.

Ua ili foi e lona toafa o agelu le pu, ona taia ai lea o lona tolu o vaega o le la, ma lona tolu o vaega o le masina, atoa ma lona tolu o vaega o fetu, ina ia faapouliuligia o lona taitolu o latou vaega, e lei malamalama foi o lona tolu o vaega o le ao, ua faapea foi ma le po.