Popular Bible Verses from FAAALIGA, 21

Share

E sōloiesea foi e le Atua loimata uma i o latou mata; e leai foi se toe oti, po o se faanoanoa, po o se aue, e leai foi se toe puapuaga; auā ua mavae atu mea muamua.

Ua fetalai mai foi lē tietie i le nofoālii, Faauta, ou te faia ia fou mea uma lava. Ua fetalai mai foi o ia ia te au, Ia e tusi; auā o upu nei e moni ma le faamaoni ia.

Na ou faalogo foi i le leo tele mai le lagi, ua faapea mai, Faauta, ua faatasi ma tagata le fale fetafai o le Atua, e mau foi o ia ma i latou; e fai foi i latou mona nuu, e ia te i latou le Atua lava, o lo latou Atua ia.

Ua fetalai mai foi o ia ia te au, Ua uma ona fai. O a‘u le Alefa ma le Omeka, o le amataga ma le gataaga. O le ua fia inu ou te foaifuaina atu ia te ia ai le puna o le vai ola.

O lē manumalo e maua e ia mea uma, e fai foi a‘u mona Atua, e fai foi o ia mo‘u atalii.

A o e loto vaivai, ma e lē faalogo, ma e fai mea e inosia, ma e fasioti tagata, ma e faitaaga, ma e faataulāitu, ma e ifo i tupua, atoa ma e tala pepelo uma, e fai o latou tofi i le lepa e mu i le afi ma le teio, o le oti faalua lea.

Ona a‘u iloa lea o le lagi fou ma le lalolagi fou; auā ua mavae atu le uluai lagi, ma le uluai lalolagi, ua leai foi se toe sami.

O a‘u foi o Ioane na ou iloa le aai paia, o Ierusalema fou, ua alu ifo mai le Atua i le lagi, ua saunia pei o se faatoanofotane ua teuteuina mo lana tane.

E le aoga foi i le aai ona pupula i ai o le la, po o le masina; auā o le pupula o le Atua ua faamalamalamaina ai ia, o le Tamai mamoe foi o lona lamepa lea. O nuu foi o e ua faaolaina latou te savavali i lona malamalama; o tupu foi o le lalolagi latou te au mai i ai o latou mamalu ma viiga.