Popular Bible Verses from FAATAOTO, 31

Share

O le matagofie e pepelo lea, o le mea faatauvaa le lalelei; a o le fafine ua mata‘u ia Ieova, e viia lava o ia.

O le malosi ma le mamalu e fai mona ofu ia; ua ‘ata‘ata foi o ia i aso o lumanai. Ua tautala o ia ma le poto; ua i lona laulaufaiva le tulafono o le alofa.

Ua faamafola lona lima i le ua tigaina; ua tuu atu foi ona lima i le ua mativa.

O le avā amio lelei, o ai ea se ua maua? e silisili lona tau i penina.

Avatu ia te ia le fua o ona lima; o ana galuega foi e viia ai o ia i faitotoa.

E tulai mai lana fanau, ma faafetai ia te ia; o lana tane foi ua vivii ia te ia.