Popular Bible Verses from FAATAOTO, 19

Share

E tele mafaufau o loo i le loto o le tagata; a o le pule a Ieova, e tumau lava lea.

O le ua alofa i le tagata mativa, na te avatua ana mea ia Ieova; e tauia mai foi e ia ana mea na avatu ia te ia.

O le māfaufau o le tagata e faagesegese ai lona ita; o lona viiga foi lea, ina ua le manatua lona agaleagaina.

Ia e faalogo i le faatonu mai, ma e talia le a‘oa‘o atu; ina ia e poto ai pe a oo i ou tausaga amuli.

O le mata‘u ia Ieova e iu lea i le ola; o le ua i ai, e ma‘ona pea o ia; e le aafia o ia e le mala.

O le ua maua le poto, ua alofa o ia ia te ia lava; o le ua tausi le faautauta, e maua e ia le mea lelei.

Aoai atu i lou atalii, manū o fai sou faamoemoe; a e aua le naunau lou loto ia oti ai o ia.

E le faasaoina le molimau pepelo; ma le ua tala pepelo, e fano lava o ia.