Popular Bible Verses from FAATAOTO, 16

Share

Ia e tuuina atu ia Ieova o au galuega; ona faamauina ai lea o ou manatunatuga.

E filifili i le loto o le tagata lona ala; a o Ieova na te faatonuina le mea e ui ai o ia.

O upu matagofie, o le meli ua sisina ifo ia; e suamalie i le loto, ma le mea e malolo ai ivi.

O loo i le tagata sauniga o le loto; a o loo mai ia Ieova le tali a le laulaufaiva.

E sili ona lelei o le ua gesegese i le ita i le ua malosi; e sili foi le ua pule i lona loto i le na te aea le aai.

E muamua le faamaualuga i le malaia; e muamua foi le loto faasiasia i le paū.

O ala uma o le tagata, e lelei ai i lona lava manatu; a o Ieova, na te fuatia loto.

O le ua faautauta i se mea, e maua e ia le mea lelei; o lē faatuatua foi ia Ieova, amuia o ia.

E sili ona lelei o se mea itiiti, a o i ai le amiotonu, i mea e tele pe a le o i ai le tonu.

O i ai le ala ua tonu i le manatu o le tagata; a o lona taunuuga, o ala ia e oti ai.

O le tagata faapiopio, e faatupuina e ia le misa; ma lē faatuaupua, na te faateaeseina uo.