Popular Bible Verses from MATAIO, 5

Share

Latou te le tŭtŭina foi le lamepa i le tuu ai i lalo o le mea e fua a‘i saito, a e tuu i luga lava o le tuugālamepa ia pupula atu ai i e o i le fale uma. Ia faapea ona pupula atu lo outou malamalama i luma o tagata, ina ia latou iloa la outou amio lelei, latou te vivii atu ai i lo outou Tamā o i le lagi.

O outou, o le malamalama o le lalolagi outou. E le mafai ona lilo le aai ua tu i luga o le mauga.

Amuia ē loto mamā; auā latou te iloa atu le Atua.

Amuia ē fia aai ma fia inu i le amiotonu; auā e maoona i latou.

A ou te fai atu a‘u ia te outou, ia outou alolofa atu i e ua ita mai ia te outou, ia outou faamanuia atu i e ua fetuu mai ia te outou, ia outou agalelei atu i e ua ‘ino‘ino mai ia te outou, ia outou tatalo foi mo e ua tuua‘i fua mai ma faasaua mai ia te outou

Amuia ē loto maulalo; auā e o latou le malo o le lagi.

Amuia ē faatupuina le filemu; auā e ta‘ua i latou o atalii o le Atua.

Amuia ē faanoanoa; auā e faamafanafanaina i latou.

Amuia ē sauaina ona o le amiotonu; auā e o latou le malo o le lagi.

Amuia ē alolofa atu; auā e alofaina mai i latou.

Amuia outou pe a latou upu leaga, ma faasaua ia te outou, ma latou tuuaiina pepelo outou i mea leaga uma ona o a‘u. Ia outou olioli ma fiafia lava; auā o i le lagi lo outou taui e tele; auā na faapea ona latou faasaua i perofeta e na muamua ia te outou.

Amuia ē agamalu; auā e fai mo latou tofi le nuu.

O outou, o le masima o le lalolagi outou; a e afai e magalo le masima, pe se a se mea e faamāi a‘i? E leai se mea e toe aoga ai, na ona lafoaiina i fafo, ma solia e tagata.

O lenei, ia atoatoa ona lelei o la outou amio, e pei o lo outou Tamā o i le lagi e atoatoa ona lelei o ia.

A ia faapea la outou upu, Ioe, ioe; E leai, e leai; auā o le upu e sili i na upu, mai le leaga lava ia.

Ua outou faalogo, na fai mai, E suia le mata i le mata, e suia foi le nifo i le nifo. A ou te fai atu a‘u ia te outou, aua ne‘i outou tetee atu i le leaga; ai se na te po mai i lou alafau taumatau, ia e liliu atu ia te ia le isi.

Afai foi e te tausuai i lou mata taumatau, ina sali ese ia, ma e lafoai; auā e lelei ina fano se tasi ou fāsi tino, a e leaga pe a lafoina lou tino uma i Kēna. Afai foi e te tausuai i lou lima taumatau, ina tutū ese ia, ma e lafoai; auā e lelei ina fano se tasi ou fāsi tino, a e leaga pe a lafoina lou tino uma i Kēna.