Popular Bible Verses from MALAKI, 3

Share

Ina aumaia mea e sefulu a‘i a outou mea uma lava i le fale e tuu ai mea; ina ia i ai mea e ‘ai i lo‘u fale; ma ia outou tofotofo mai ai ia te au i lenei mea, ua fetalai mai ai Ieova o ‘au; pe ou te le toina pupuni o le lagi mo outou, ma sasaa atu le manuia mo outou, ina seia silisili ona tele.

Ou te aoai atu, ona o outou, le na te ‘aina mea; na te le faaumatia le fua o lo outou laueleele; e fua mai foi le vine i o outou fanua, ua fetalai mai ai Ieova o ‘au. E faaamuia foi ia te outou e nuu uma lava; auā e fai outou ma nuu e moomia, ua fetalai mai ai Ieova o ‘au.

E fai foi i latou ma‘u oloa tāua, ua fetalai mai ai Ieova o ‘au, i le aso ua ou tofia; ou te alofa foi ia te i latou, e pei ona alofa o le tagata i lona atalii ua auauna ia te ia. Ona outou toe iloa lea e eseese lē amiotonu ma lē amio leaga; e ese le ua auauna i le Atua, ma le ua le auauna ia te ia.

Faauta, ou te tuuina atu la‘u sāvali, na te sauni le ala i o‘u luma; e faafuasei foi ona oo mai i lona malumalu o le Alii, o le ua sailia e outou, o le Agelu lava lea o le feagaiga, o le ua outou naunau i ai; faauta, e afio mai lava o ia, ua fetalai mai ai Ieova o ‘au.