Popular Bible Verses from LEVITIKO 26

Share

Ou te fealuai foi i totonu ia te outou, e fai foi a‘u mo outou Atua, e fai foi outou mo‘u nuu.

ona ou avatu ai lea le ua ia te outou i ona po e tatau ai, e fua mai foi le laueleele i ona lava fua, o laau foi o i le fanua e fua mai ai i o latou fua.

Afai tou te savavali i a‘u tulafono, ma tausi i a‘u poloaiga, ma fai ai

Ou te avatu le filemu i le nuu, tou te taooto foi, e leai se tasi e faamatau ia te outou; ou te faaumatia foi manu feai ai le nuu, e le oo foi le pelu i lo outou nuu.

Auā ou te manatu alofa ia te outou, ou te faauluolaina outou, ma faatoateleina, ou te faatumauina foi la‘u feagaiga ia te outou.

O a‘u o Ieova lo outou Atua, o lo na au mai ia te outou nai le nuu o Aikupito, ina ia le fai outou mo latou pologa; na ou gauia o a outou amo, ma ua faasavavali sasa‘o ai outou.

Ou te tuu foi lo‘u malumalu i totonu ia te outou; e le ‘ino‘ino foi a‘u ia te outou.

Aua tou te faia ni tupua mo outou, aua foi tou te faatuina se tupua ua ta, po o se tupua maa, aua foi tou te tuu se faatagata maa i lo outou nuu, e ifo atu i ai; auā o a‘u o Ieova lo outou Atua.

Tou te aai i mea tuai, ma outou ave i fafo mea tuai ona o mea fou.

E tulia le toaselau e le toalima o outou, e tulia foi le sefulu o afe e le toaselau o outou; o e fai outou mo latou fili e oti i latou i o outou luma i le pelu.

E aulia le taugāvine e le soligāsaito; e aulia foi le tau e lulu ai saito e le taugavine, tou te aai foi i a outou mea e ‘ai, ma maoona ai; tou te nonofo foi i lo outou nuu ma le filemu.

Tou te tulituliloa foi i e o fai outou mo latou fili, latou te oti ai i o outou luma i le pelu.

Ia outou tausiusi i o‘u sapati, ma outou matatau i lo‘u malumalu; o a‘u o Ieova.