Popular Bible Verses from ISAIA, 30

Share

E faalogo foi o outou taliga i le upu i o outou tua, pe a outou afe ane i le itu taumatau pe afe ane i le itu tauagavale, e faapea mai, O le ala lava lenei, ia outou savavali ai.

A e ui lava i lea e faatalitali Ieova ina ia alofa fua mai ia te outou; o le mea lea e tulai ai o ia e alofa ia te outou; auā o Ieova, o le Atua e faamasino tonu ia; amuia i latou uma o e faatalitali ia te ia.

Auā o loo faapea ona fetalai mai o le Alii o Ieova, o le Paia o Isaraelu, O le liliu mai ma le filemu e faaolaina ai outou, o le filemu ma le faatuatua o lo outou malosi lea; a ua outou le mafafai.

E avatu e le Alii ia te outou le mea e ‘ai o le maosiosi, ma le vai e maua ma le tiga; e le toe lalafi o outou a‘oa‘o, a e vaai atu o outou mata i o outou a‘oa‘o.

Auā e nonofo le nuu i Siona i Ierusalema; e te le toe tagi lava; e matuā alofa o ia ia te oe pe a e alaga atu; a faafofoga o ia, ona tali atu ai lea o ia ia te oe.

O loo fetalai mai Ieova. Oi talofa i le fanau e fouvale, o e faia a latou pule, a e le fua mai ia te au; ua latou sasaa foi le taulaga i mea e inu, a e le fua mai i lo‘u Agaga; ina ia latou faaopopo le agasala i le agasala.