Popular Bible Verses from ISAIA, 1

Share

O loo o faapea mai Ieova, O mai ia, ina tatou filifili ia, e ui lava ina pei o ofu mūmū a outou agasala, e sisina ia e pei o le kiona; e ui lava ina mūmū ia e pei o le ie ulaula, e avea e pei o fulufulu mamoe.

Afai tou te gauai ma outou faalogo, tou te aai ai mea lelei o le laueleele.

Ia outou faamasani i le amio lelei, sailiili ia i le faamasinoga; ia outou faasaoina le ua sauaina, ia outou faamasino i le ua matuaoti, ia outou finau mo le fafine ua oti lana tane.

A e afai tou te le mafafai ma outou fouvale, e faaumatia ai outou i le pelu; auā ua fetalai mai ai le fofoga o Ieova.

Ina fafano ia outou, ina faamamā ia outou; faate‘a ese ia a outou galuega leaga i o‘u luma, soia tou te fai mea leaga.

A outou faaloaloa mai o outou lima, e ‘alo ese o‘u mata ia te outou; e ui lava ina outou faateleina tatalo, ou te le faalogo ai lava; ua tutumu o outou lima i le toto.

Aua ne‘i tou toe au mai taulaga le aoga, o mea manogi e mu, e inosia lea e a‘u; o le masina faatoa vaaia, ma le sapati ma le talaiga o faapotopotoga ou te le mafaia lava, o le agasala lava lea, o le faapotopotoga lava.

Ua iloa e le povi le na te tausia o ia, ua iloa foi e le asini le mea e fagaina ai o ia e le na te tausia o ia; a o Isaraelu, ua le iloa e i latou, ua le mafaufau lava lo‘u nuu.

O outou masina faatoa vaaia ma outou faapotopotoga, e ‘ino‘ino ai lo‘u loto; ua fai lava ma mea mamafa ia te au, a a‘u lailoa i tauave.