Popular Bible Verses from KENESE, 49

Share

E le avea le tootoo ia Iuta, po o le faipule ai ona vae seia maliu mai Sailo, e usiusitai foi atu nuu ia te ia.

O Iosefa o le la laau o ia e fua o le la laau e fua i tafatafa o le vaipuna; e sosolo ona la i luga i le pa. Na faatigaina o ia e i latou o e fanafana u; na latou fanafana atu ia te ia, ma ita ia te ia.

A ua tumau pea le malosi o lana aufana, o ona lima foi ua faamalosia ia e aao o lē Malosi o Iakopo; o loo tupu mai ai foi le leoleo mamoe, o le maa lea o Isaraelu; e a le Atua o lou tamā o le fesoasoani ia te oe, o Lē e ona le malosi uma lava na te faamanuia oe i manuia mai le lagi i lugā, ma manuia mai le mea loloto o loo i lalō, o manuia o susu ma le manava

Oe na Iuta, e viia oe e ou uso; e oo lou lima i ua o e ita ia te oe; e ifo ia te oe le fanau a lou tamā. O le tamai leona Iuta; lo‘u atalii e, na e alu ae nai le mea na saeia; na ia taoto, na ia faapuga pei o le leona, e pei o se leona fafine; o ai se na te faalili ia te ia?

O Reupena, o la‘u ulumatua lava oe, o lo‘u malosi, ma le na amata mai ai lo‘u mamalu, o le ua silisili ona mamalu, ua silisili ona malosi. Ua e oso vale pei o le vai, e le faasili lava oe; auā na e alu ae i le moega o lou tamā, i le ua leaga ia te oe; na alu ae ia i lo‘u moega.