Popular Bible Verses from KENESE, 45

Share

O lenei, aua ne‘i tiga outou, pe fai ma mea leaga i o outou manatu ina ua outou faatau mai ia te au i le mea nei; auā na auina mai a‘u e le Atua e muamua ia te outou e fai ma faaola

O lenei, e le o outou na auna mai a‘u iinei, a o le Atua; ua ia fai foi a‘u ma tamā o Farao, ma alii i lona aiga uma, ma pule i le nuu uma o Aikupito.

Na auna mai foi a‘u e le Atua e muamua ia te outou e faasaoina outou i le lalolagi, e faaola foi ia te outou i le faaolataga tele.

Ona fai atu ai lea o Iosefa i ona uso, Ina soso mai ia ia te au. Ona latou soso mai ai lea. Ona fai atu ai lea o ia, O a‘u o lo outou uso o Iosefa, na outou faatau mai i Aikupito.

auā o ia tausaga e lua ua i ai le oge i le nuu, o loo totoe foi tausaga e lima e le i ai se galuega i le suasolo po o se seleselegāsaito

Ua fai atu Iosefa i ona uso, O a‘u o Iosefa; o ola mai pea ea lo‘u tamā? Ona le mafai ai lea e ona uso ona tali mai ia te ia; auā ua matuā atuatuvale i ona luma.