Popular Bible Verses from KENESE, 25

Share

Ua tali mai foi Ieova ia te ia, E lua nuu o loo i totonu ia te oe, e lua lava nuu e fanau mai ia te oe; e sili ona malosi o le tasi nuu i le isi nuu; e nofo pologa foi le ulumatua i le uii.

Ona faapea atu lea o Esau ia Iakopo, Se‘i au mai sina una mea mūmū so‘u aina ae, auā ua ou vaivai. O le mea lea ua faaigoa ai o ia o Etoma.

Ua faatoga atu Isaako ia Ieova mo lana avā, auā ua pa o ia; ua faafofoga foi Ieova ia te ia, ona to ai lea o lana avā o Repeka.

Ona faapea atu lea o Esau, Faauta, o le a ou oti; pe se a le aoga o lenei tofi o le ulumatua ia te au? Ona tali mai lea o Iakopo, Ina e tauto mai ia te au i le aso nei; ona tauto atu ai lea o ia ia te ia; ua ia faatau atu foi lona tofi o le ulumatua ia Iakopo.

Mulimuli ane ua fanau mai ai lona uso, ua ‘u‘u atu foi lona lima i le mulivae o Esau; ua faaigoa foi ia te ia o Iakopo; o le onogafulu o tausaga o Isaako na fanau ai i laua.

Na alofa Isaako ia Esau, auā ua ia ‘ai i ana manu; a o Repeka, na alofa o ia ia Iakopo