Popular Bible Verses from ESEKIELU, 7

Share

E lafoai e i latou a latou ario i fafo, ma a latou auro e fai ma mea leaga ia; o a latou ario ma a latou auro e le mafai ai ona laveaiina o i latou i le aso o le ita o Ieova; e le malilie ai i latou, e le maoona ai foi o latou manava; auā ua fai a latou amio leaga ma mea e tausuai ai.

E faanoanoa le tupu, e ofu le alii sili i le fememeai, e gatete lima o tagata o le nuu; ou te taui atu ia te i latou e tusa ma a latou amio, ma ou faamasino ia te i latou e tusa ma a latou amioga; latou te iloa ai o a‘u lava o Ieova.

Ou te le faasaoina lava oe, ou te le faapelepeleina foi oe; a e peitai a‘u, ou te taui atu ia te oe i au amio, ma au mea e inosia e i totonu ia te oe; ona outou iloa ai lea o a‘u lava o Ieova.

Ou te le faasaoina, ou te le faapelepeleina; ou te taui atu ia te oe e tusa ma au amio, ma au mea e inosia e i totonu ia te oe; ona iloa ai lea e outou o a‘u o Ieova o le taia oe.