Popular Bible Verses from ESEKIELU, 37

Share

Ona fetalai mai ai lea o ia ia te au, Ia e vavalo atu i na ivi, ma fai atu i ai, Ivi mamago e, faalogologo mai ia i le afioga a Ieova. Ua faapea ona fetalai mai o le Alii o Ieova i na ivi; Faauta, ou te faaulu ane le mānava i totonu ia te outou, ona outou ola ai lea

ou te avane foi ua ia te outou, ma ou faatupuina ae aano ia te outou, ma ufiufi ia te outou i pa‘u, ou te tuuina atu foi le mānava i totonu ia te outou, e ola foi outou; ona outou iloa ai lea o a‘u lava o Ieova.

Ona fai mai lea o ia ia te au, Le atalii e o le tagata, e mafai ea ona toe ola o ia ivi? Ona ou tali atu ai lea, Le Alii e Ieova e, ua e silafia lava oe.

Na i luga ia te au le aao o Ieova; na ia aveina atu a‘u i le Agaga o Ieova, ma na tuuina a‘u i le fanua laugatasi, ua tumu i ivi. Ua ia ta‘ita‘iina ane ai a‘u ia faataamilomilo ai lava; faauta foi, ua matuā tele lava i le fogāeleele; faauta foi, ua matuā mamago lava.

Ona ou vavalo atu ai lea e pei ona poloaiina o a‘u; ua ou vavalo atu, a e gāsēsē; faauta foi, o le gaoioi, ona fesootai lea o ivi, o le ivi i lona ivi. Ua ou vaai atu, faauta, ua tupu ae ua ma aano ia te i latou, ua ufitia foi i latou i pa‘u; a ua leai se mānava i totonu ia te i latou.