Popular Bible Verses from ESEKIELU, 18

Share

Auā ou te le fiafia lava i le oti o lē oti, o loo fetalai mai ai le Alii o Ieova; o lenei, liliu mai ia outou tou te ola ai.

O le tagata e agasala e oti lava ia; e le tauia le agasala a le tamā i le atalii, e le tauia foi le agasala a le atalii i le tamā; o le amiotonu a le ua amiotonu e i ona luga lava lea, o le amio leaga foi a le ua amio leaga e i ona luga lava lea.

Ina lafoai ia o outou solitulafono uma ua outou solitulafono ai, ma ia fai mo outou se loto fou, ma se agaga fou; auā pe se a ea le mea tou te fia oti ai, le aiga o Isaraelu e?

O loo fetalai mai le Alii o Ieova, Ou te fiafia ea i le oti o le ua amio leaga? ou te le fiafia ea pe a liliu ese i lona ala ia ola ai o ia?

A e afai e liliu ese le ua amio leaga ai ana agasala uma ua na faia, ma tausi i a‘u tulafono uma, ma faia e ia le amio tatau ma le amiotonu, e ola lava ia, e le oti.

ua ia savali i a‘u tulafono, ua anaana i a‘u faamasinoga; e faia ma le faamaoni, ua amiotonu o ia; e ola lava ia, o loo fetalai mai ai le Alii o Ieova.