Popular Bible Verses from FAILAUGA, 2

Share

Auā e foaiina e le Atua i le tagata e lelei i ona luma, o le poto, ma le iloa o mea, ma le olioli; a o le ua agasala, e foaiina e ia i ai le faiva e faapotopoto ma faaputu, ina ia foaiina atu ai e ia i le ua lelei i luma o le Atua. O le mea faatauvaa foi lea, ma le ‘ai i le matagi.

E leai se tasi mea lelei i le tagata na ona ia ‘ai, ma inu, ma faafiafia lona loto i mea lelei i ana galuega. Ua ou iloa foi le mea nei, e mai le aao o le Atua lea. Auā o ai se na te mafaia ona ‘ai, o ai foi se na te mafaia ona fai lona loto, e sili ia te au ne‘i?

Ona ou vaai lea i galuega uma na faia e o‘u lima, ma le galuega na ou tiga ai i fai; faauta foi, o mea faatauvaa uma lava ia, ma le ‘ai i le matagi, ua leai lava se mea aoga i lalo o le la.

O mea uma foi sa fia vaai i ai o‘u mata ua ou le vaoia i ai; na ou le taofia foi lo‘u loto i se mea e tasi e fiafia ai; auā na olioli lo‘u loto i a‘u galuega uma; na fai foi lea ma‘u mea i a‘u galuega uma.

Na ou iloa foi ua sili le aoga o le poto i le valea, e pei ona sili o le aoga o le malamalama i le pouliuli.

O le tagata poto, o i lona ulu ona mata, a o le valea, e savali o ia i le pouliuli; a ua ou iloa foi, e tasi lava le mea e oo ia te i laua uma.

Auā o loo galue le tasi tagata ma le poto, ma le iloa, ma le manuia; a e tuuina e ia mo le tagata na le tiga ai e fai mona tofi. O le mea faatauvaa lea, o le mea leaga tele.