Popular Bible Verses from FAILAUGA, 12

Share

Se‘i tatou faalogo ia i le iuga o ia mea uma, Ia e mata‘u i le Atua, ma e anaana i ana poloaiga; auā o mea ia e tatau i tagata uma.

Auā e faamasinoina e le Atua galuega uma, atoa ma mea lilo uma lava, o mea lelei atoa ma mea leaga.

O lenei, ia e manatua le na faia oe i ona po o lou taulealea, a o lei oo mai aso leaga, a o lei oo mai foi tausaga e te faapea ai, E leai so‘u fiafia i ai; a o lei faapouliuligia le la, ma le malamalama, ma le masina, ma fetu, ma ua le foi mai ao pe a mavae le ua

a o lei faamalūina le maea ario, po o ta‘e le ipu auro, po o nuti le kate i le vaipuna, po o gausia le mea taavili i le vaieli; ma toe foi atu le efuefu i le eleele e pei ona i ai ia, ma toe foi atu le agaga i le Atua o le na foaiina mai ai.

Ua faapea mai le Failauga, E matuā faatauvaa, e faatauvaa mea uma lava.