Popular Bible Verses from TANIELU, 1

Share

A ua manatu Tanielu, o le a le leaga o ia i mea taumafa a le tupu, po o le uaina e inu ai o ia; ona aioi atu ai lea o ia i le alii e pule i eunuka ina ia le leaga ai o ia.

A o ia tama e toafa ua foaiina e le Atua ia te i latou le faautauta ma le atamai i tusi uma lava, atoa ma le poto; a o Tanielu ua poto ia i faaaliga uma lava ma miti.

Na faatupuina e le Atua le alofa mutimutivale o le alii e pule i eunuka ia Tanielu.

O mea uma lava e oo ai le poto ma le faautauta na fesili atu ai le tupu ia te i latou, ua iloa ai e ia ua sāutuasefulu ona sili o lo latou poto i taulāitu, ma vaafaatau uma i lona malo uma lava.