Popular Bible Verses from GALUEGA, 20

Share

Ua ou faaali atu ia te outou mea uma lava, ia faapea ona outou galulue ia fesoasoani i e ua vaivai e tatau ai, ma ia outou manatu i le afioga a le Alii o Iesu, na fetalai mai e ia, E sili le manuia o le na te foai atu, i le manuia o le na te talia mai.

A e ou te le manatua se tasi mea, o lo‘u lava ola foi ou te le naunau i ai, se‘i ou faauma lo‘u momo‘e ma le olioli, atoa ma le faiva ua ou maua mai le Alii o Iesu, ou te molitino atu le tala lelei o le alofa tunoa o le Atua.

O lenei, ina tausi ia outou ia te outou, atoa ma le lafu mamoe uma lava ua tofia ai outou e le Agaga Paia e fai ma leoleo, ia leoleo atu i le ekalesia a le Atua, ua faatauina e ia mona i lona lava toto.

O lenei, le au uso e, ou te tuuina atu outou i le Atua, ma le upu o lona alofa tunoa, o le na te mafaia ona ati ae ia te outou, ma foai atu ia te outou le tofi faatasi ma i latou uma lava e ua faapaiaina.