Popular Bible Verses from II. PETERU, 3

Share

E le faatuai mai le Alii i le mea na folafolaina mai, faapei o le manatu a isi tagata i le faatuai; a e peitai ua onosai mai lava o ia ia i tatou, ona ua le finagalo ia fano se tasi, a ia oo uma lava i le salamo.

A e aua ne‘i lilo ia te outou, le au pele, lenei mea e tasi, e tusa i luma o le Alii le aso e tasi ma tausaga e afe, o le afe foi o tausaga e tusa ma le aso e ta si.

A ia tutupu outou i le alofa tunoa ma le poto i a lo tatou Alii o lo tatou Faaola lea o Iesu Keriso. Ia ia te ia le viiga i ona po nei, ma ia oo i le faavavau lava. Amene.

A e sau le aso o le Alii pei o se gaoi i le po, e mavaeeseina ai le lagi ma le gogolo tele, e te‘a eseese ai foi o mea na fai a‘i ina ua mu; o le lalolagi foi ma galuega o i ai e susunuina lava.

O lenei, o le a te‘a eseese nei mea uma, pe faapefea la outou amio e tatau ai i le amio lelei ma le amio Atua; o loo faatalitali ma naunau atu ia aulia mai le aso o le Atua, e te‘a eseese ai le lagi ina ua mu, e liu suāvai foi o mea na fai a‘i ina ua mu?