Popular Bible Verses from หล่าว ย่าง 13

Share

น้าย เต๋ย สี่ อ๋อย หฒุ หล่ง ธง-เม่ง. หาย เต้า ไกว, วั้ว เต้า ไฮ่ ฝุน ตุ๊ ธ้วด เฮยี่ย กะน้าย เญย บั๋ว เญย หฑั่ง, เหว่ย หฒุ เป๋น เหยียด เต้า เมี่ยน เญย บั๋ว เญย หฑั่ง. น้าย เต้า เมี่ยน เญย บั๋ว เญย หฑั่ง เซ หลัวะ แป๊ะ หลัวะ เหฒียบ หลัวะ.

ลู่ง เดี๊ย หม่าน เมี่ยน ฯฒฯ หฒั่ง วั้ว เต้า เฮยี่ย กะน้าย, ธ้วด ลิ์ว ม่าย บั๋ว เฟี้ย เจี๊ยน เฒี่ยง แหม่ง ตาน วั้ว เต๋ย, ต้ง เยียม เหฒย ลู่ง เหฒย เดา วั้ว หฒั่น หฒุ ไต๋ ไต่ วั้ว เต้า ปะกี ยู่ง ตอน เญย ตาน.

นิ่น หย่า อ๊าบ เมี่ยน, ไม้ กุ๊น โฮล ไฟ ไฝ, ปุ๊ด ฒ่อย ไฟ จ่ม, โหฒว โน่ว ไฟ ไม้ โหฒว โน่ว เญย, เหยียด ฒู้ง อ๋อย หฒุ ฆ้าบ เจี๊ยน เหยียน เยียม บย่าว เจี๊ยะ ปั์ว ไฟ ปย้อง. ฮนั้ง หน่าย, หาย เต้า ไม้ ตุ๊ ฆ้าบ เจี๊ยน เฮยี่ย กะน้าย เญย บั๋ว เญย เหยียน ไฟ ตี๊ เฮยี่ย กะน้าย เญย บั๋ว วั้ว เต๋ย หฑั่ง, วั้ว เต้า ฯฒฯ ไม้ ไฮ่ ม์าย หม่าย.

หาย เต้า แหม่ง ต๋าย หฒุ เฒาะ หววน โล่, วั้ว เต้า หฒะเก้ง หฒุ เฒาะ หววน โล่. หาย เต้า แหม่ง ต๋าย หฒุ หฑุ ด๊าว ไต๋ ไต่, วั้ว เต้า หฒะเก้ง หฒุ หฑุ ด๊าว ไต๋ ไต่. เหว่ย น้าย ทิน-ฮู่ง เญย เมี่ยน อ๋อย หฒุ ม่าย หน่อย เตี๊ย หย่า หลงๆ เญย เสียน ทิน-ฮู่ง.”

เยีย ฯฒฯ ปวัด เต้า เฮยี่ย กะน้าย เยียม วั้ว ค้อย ธ้วด ต้าย. วั้ว เต้า เฮยี่ย กะน้าย ม่าย เสี่ย นอม มฆ้อง, เหฒียบ นอม จอง. นอมๆ จอง ด๋ง เจี๊ยน นี้ง. นอมๆ มฆ้อง เฟี้ย เจี๊ยน คี ทิน-ฮู่ง เญย บั๋ว.

เฮยี่ย กะน้าย หย่า ตุ๊ เซว่ย เอ๋ย เหธา ทิน-ฮู่ง เญย แปะ ฝีง เบ๊าะ จ๋า หย่า ฮี่ง เจี๋ย นิ่น บัว. นิ่น หย่า ตุ๊ หลี่ง กุ๊น หม่าน กั๊วะ, หม่าน ฝีง, หม่าน หญู่ง หว่า เหธา หม่าน หญู่ง เมี่ยน.

นิ่น ตุ๊ เยียม ตะเยี้ยด เต้า เฮยี่ย กะน้าย เญย หฑะเฮมียน โหฒว บัวะ ฮ่อง เญย จั๋ง-โห่ ฯฒฯ หล่ง น้าย เต๋ย จั๋ง-โห่ ดั๊ว ลู่ง เดี๊ย เมี่ยน. นิ่น หย่า หัด หฒวัง เมี่ยน เหฒย นอม ฝัง เหว่ย ท่าย หฒุ หฑุ ด๊าว ฮงะ เจี๋ย เซียง เญย มป่า ไม้ ไต่ วั้ว เต้า เฮยี่ย กะน้าย. ตะเหญ่ย เต้า เฮยี่ย กะน้าย หย่า ตุ๊ หลี่ง ไฮ่ ปย๊ม เฉีย เปียะ ตะเยี้ยด เต้า เฮยี่ย กะน้าย เญย ฝัง. ฝัง ฯฒฯ ไฮ่ ก๊อง หว่า หย่า ไฮ่ ปุน เหยียด ฒู้ง ไม้ ป๋าย นิ่น วั้ว เต๋ย เมี่ยน หฒุ ไต๋ ไต่.

เยีย ปวัด เญย เฮยี่ย กะน้าย ฝัง เฒ้ย ฮนั้ง ดะม่าว เบ๋ว, เหฒา ฮนั้ง เจี๊ยบ เญย เหฒา นอ, ฑุ่ย แป๋ง ฮนั้ง เซี่ยน เญย ฑุ่ย แป๋ง. วั้ว ติ้ว จูง-ฮู่ง ฯฒฯ จิว นิ่น กั้น เญย หลี่ง เหธา นิ่น เญย เหว่ย เหธา ต้ม หัด ม์า ปุน วั้ว เต้า เฮยี่ย กะน้าย.

วั้ว เต้า เฮยี่ย กะน้าย ตุ๊ ฒิบ ฑุ่ย ปู๋ง หว่า-เหมา หย่า ก๊อง คี ทิน-ฮู่ง. นิ่น หย่า ตุ๊ หลี่ง เซว่ย เอ๋ย โหฒว เฝย เหฒียบ เหญ่ย หฮลา เหญียะ.

เฮยี่ย กะน้าย เญย เสี่ย นอม มฆ้อง ม่าย นอม ปวัด ฮนั้ง หฒุ เจี๋ย เซียง, ไฮ่ ไต่ เญย, มป่า หฒุ มุน เญย ต๋อง หลง หมี่ อ๊ะ. ลู่ง เดี๊ย เมี่ยน บัวะ ฮ่อง ไห่ ฯฒฯ กัน หน่าย เต้า เฮยี่ย กะน้าย.

เยีย แอ๋ง ปวัด เต้า เฮยี่ย กะน้าย เยียม เดา-เดี๊ย ธ้วด ต้าย. ม่าย อี นอม จอง ฮนั้ง ปะกี ยู่ง ตอน เญย จอง หย่า ก๊อง หว่า ฮนั้ง จูง-ฮู่ง นอ. น้าย เต้า เฮยี่ย กะน้าย ตุ๊ ตอง เจี๊ยน ตะเยี้ยด เต้า เฮยี่ย กะน้าย เญย หฑะเฮมียน หล่ง เหฑ่ง ตะเยี้ยด เต้า เญย หลี่ง. นิ่น อ๊าบ ป้าม เกน เหธา เยียม ป้าม เกน เญย เมี่ยน ป๋าย ตะเยี้ยด เต้า เฮยี่ย กะน้าย, ต้ง หฒุ เจี๋ย เซียง มป่า หลง ต้าย วั้ว เต้า.