Popular Bible Verses from โย​ซู​วา 10

Share

บะฮนอย ฯฒฯ ตี้ง เจี๊ยน, หฮลา หย่า ไม้ ต์ง อ๊ะ. ฒั้ว เถา อิ​สะ​ลา​เอน เมี่ยน เบ๊าะ ฮี่ง นิ่น บัว เญย วิน-วั้ง. น้าย เต๋ย สี่ เฟี้ย เจี๊ยน เยียม ยา​ซา โซว. บะฮนอย ตี้ง เจี๊ยน เหฒียง ลู่ง กู้ หงว่าย, ไม้ ด๊อด เหฌี่ย อ๊า ลั่ม ปวั๊ง เหยียด ฮนอย เญย เฒี่ยง โห่.

ต้ง เฒี้ยว จิว อา​โม​ไล เมี่ยน ปุน อิ​สะ​ลา​เอน เมี่ยน วั้ว ฮนอย, โย​ซู​วา ตอง เจี๊ยน อิ​สะ​ลา​เอน เมี่ยน โท้ เฒี้ยว. นิ่น ก๊อง, “บะฮนอย อ้า! ตี้ง เจี๊ยน กิ​เบ​โอน ฒี่ง กู้ หงว่าย ม่าะ! หฮลา อ้า! เยียม เจี๊ยน ไอ​ยา​โลน ฮ์อง กู้ หงว่าย ม่าะ!”

ฒิ่น ด่าง เญย ฮนอย เหธา ฆะฮ้า ฮี้ง เญย ฮนอย ไม้ ม่าย เจี๋ย เหยียด นอม ฮนอย ฮนั้ง น้าย นอม ฮนอย, ต้ง เฒี้ยว หมวัง ป้าม เมี่ยน เญย หว่า. เซ เฒี้ยว เหว่ย อิ​สะ​ลา​เอน เมี่ยน เบ๊าะ จ๋า.

เฒี้ยว ก๊อง บั๋ว โย​ซู​วา, “ไม้ ตู๋ง กั้ม เหฑีย นิ่น บัว, เหว่ย หฒุ เยีย เฒาะ นิ่น บัว จิว ปุน เม่ย หมี่ อ๊ะ. เยียม นิ่น บัว บุด๋ง ไม้ ม่าย เหยียด เต้า ไฮ่ เบ๊าะ ตุ๊ ฮี่ง เม่ย.”

โย​ซู​วา ก๊อง บั๋ว นิ่น บัว, “ไม้ ตู๋ง กั้ม เหฑีย หย่า ไม้ ตู๋ง ต๊าม ไฝ. อ๋อย หฒุ เฮ้น หย่า หฒูง เจี๊ยน ต๊าม, เหว่ย หฒุ เฒี้ยว อ๋อย ฮนั้ง น้าย นอ โหฒว ปุน เหธา เม่ย บัว เบ๊าะ จ๋า วั้ว เต๋ย เหยียด ฒู้ง วิน-วั้ง.”