Popular Bible Verses from อิ​สะ​ยา 9

Share

เหว่ย หฒุ ม่าย เต้า กู้งว์า เหว่ย เยีย บัว ธ้วด เสย. ม่าย เต้า ตอน เหธย ปุน เยีย บัว. นิ่น ตุ๊ ฮู่ง หลี่ง กุ๊น เยีย บัว นิ่น หย่า ตุ๊ บั๋ว เห่ว บัวะ ฮ่อง เญย ธ่าง ล่าง เมี่ยน, เฮ้น ไห่ เญย ทิน-ฮู่ง, เหยียด ลิ์ว เยียม เญย เตีย, แป้ง ออน เญย ฮู่ง ตอน.

ยั่ง หฮมวัง กะญั์ว เญย แปะ ฝีง, ฒู้ง ตุ๊ ปวัด ต้ม ฌัง. เยียม หฒุ ไต่ เญย ต้ง ลิ่น กะญั์ว วั้ว เต๋ย, ตุ๊ ฌัง หฒิว เจี๊ยน นิ่น บัว.

นิ่น เญย ฮู่ง หลี่ง อ๋อย จา ธั้ม, แป้ง ออน เญย เจ๊า เหยียด ลิ์ว ไม้ จ่ม. นิ่น ฒู้ง อ๋อย เฒว์ย ดา​วิด เญย ฮู่ง เหว่ย กุ๊น นิ่น เญย กั๊วะ. นิ่น อ๋อย หล่ง แป้ง ฟิม เหธา โหฒว หอบ เญย เจ๊า เหลียบ เจี์ย, เหธย ว้วน, เยียม น้าย มี่ง เถา เหยียด ลิ์ว. เน่น เจี๋ย เญย เฒี้ยว อ๋อย จอม เฮญี้ยว ฮนั้ง น้าย นอ โหฒว.

เบ๊าะ จ๋า แปง เญย แหล่งๆ เฮ่ เหธา กั๊วะ เจี๊ยน ฑย้าม เญย เต๋ยๆ ลุย ฒู้ง หฒุ ปั๊ว, เซ ต๋อง ฒ่าง ปั๊ว โต์ว.

มป่า ยั่ง น้าย เจี๋ย, หฒุ โค้ว วั้ว เต๋ย ไม้ หฒุ แอ๋ง เยียม หฮมวัง กะญั์ว. ฒิ่น ด่าง ทิน-ฮู่ง ปุน เส​บู​ลุน เต่ย เหธา นับ​ทา​ลี เต่ย หฒุ หมั่ง เผีย, มป่า ฆะฮ้า นิ่น อ๋อย ท่าย กัน มี่ง ค้อย-เฮลน เญย เจ๊า, เซ เจี๋ย วั้ว หง่าน หฒิ จอ​แดน ด้าย, ฝีงๆ เมี่ยน เญย กา​ลิ​ลี เต่ย.

เม่ย ปุน วั้ว นอม กั๊วะ เญย เมี่ยน หฮยาง ธั้ม, แอ๋ง จา ทิบ ออน-เหลาะ ปุน นิ่น บัว. นิ่น บัว เยียม เม่ย เญย หฑะเฮมียน เฌียน-โย่ว, ฮนั้ง เมี่ยน เซียว แกง-หฒวัง เฌียน-โย่ว, หย่า ฮนั้ง เมี่ยน ปุน ฆอย ธ้าง ต้าย เญย กะน้าย ออน-เหลาะ นอ.

เหว่ย หฒุ เม่ย ว้วด เน้า นิ่น บัว ก์า เญย เดี๋ยง-ก์า, หย่า ว้วด เน้า เบ๊าะ นิ่น บัว เญย บะเต้า เญย เดี๋ยง-ด๋น, เหธา เหฒย นิ่น บัว เญย ปย๊า-ปิน, ฮนั้ง เม่ย เบ๊าะ ป่าย มี​เดียน เมี่ยน วั้ว ฮนอย.