Popular Bible Verses from อิ​สะ​ยา 30

Share

ไม้ กุ๊น เม่ย บัว หูง เจี๊ยน หฒาย ไฟ บย่าว มี่ง, เม่ย บัว ฯฒฯ ไฮ์ ฆะฮ้า แหมง ม่าย เฉีย ก๊อง, “เซ ต้ง น้าย ติ้ว เจ๊า. กุ๊น ยั่ง น้าย มี่ง.”

มป่า เฒี้ยว ฒั้ว เจี๊ยน อ๋อย เหธย เอน ปุน เม่ย บัว. นิ่น เจี์ย ต้าย อ๋อย ค้อ-เลี่ยน เม่ย บัว, เหว่ย หฒุ เฒี้ยว เซ แป้ง ฟิม เญย ทิน-ฮู่ง, ตะฟ่าน ฒั้ว นิ่น เญย เมี่ยน ฯฒฯ ม่าย ออน-เหลาะ.

เฒี้ยว ทิน-ฮู่ง, เซ อิ​สะ​ลา​เอน เญย ธีง-เหฑ่ง ทิน-ฮู่ง, ฮนั้ง น้าย นอ ก๊อง, “หฑวน ต้าย ฮิด ขวน เม่ย บัว ฯฒฯ ตุ๊ เหฌียว. เม่ย บัว เซ้ก เหฑียะ หย่า เขา เยีย, เม่ย บัว ฯฒฯ ตุ๊ ชะ. มป่า เม่ย บัว ไม้ คั้ง ฮนั้ง น้าย นอ โหฒว.

ไม้ กุ๊น เฒี้ยว ปุน เม่ย บัว หฒุ ขวน น่าน ต๋อง ฌั้ว, หย่า ปุน โค้ว หน่าน ต๋อง ววม, เยียม น้าย มี่ง เม่ย บัว เญย ฟิน-แซง ไม้ แอ๋ง ปี๋ง. เม่ย บัว กั้น เญย มฒีง ฒู้ง ตุ๊ ปวัด นิ่น.

โอ สิ​โอน เมี่ยน, เซ เยียม เย​ลู​ซา​เลม เญย เมี่ยน อ้า! เยียม น้าย มี่ง เม่ย บัว ไม้ หฒุ เญี้ยม อ๊ะ. เฒี้ยว ไฮ์ เม่ย บัว เห่ว เจี๊ยน โท้ เญย เฉีย, นิ่น อ๋อย เหธย เอน ปุน เม่ย บัว. นิ่น เยี้ยด ไฮ์, นิ่น ฯฒฯ เตา เม่ย บัว.

เฒี้ยว ฮนั้ง น้าย ก๊อง, “เฮญี้ยว แหง่ง เญย น่าม โญ์ว อ๋อย หฒุ โค้ว อ๊ะ. นิ่น บัว ต๊า หฒะเอ๋ย, มป่า ไม้ เฒ์ย เยีย เญย. นิ่น บัว เหธา เมี่ยน เหลียบ แหง่ง หว่า หย่า ไม้ เฒ์ย เอย เยีย เญย สีง ลี่ง, ฒุ์ย ฯฒฯ จา ฒุ์ย.