Popular Bible Verses from ธ้วด อี​ยิบ 9

Share

มป่า เยีย เลี่ยว เม่ย บัว เหว่ย ปุน เม่ย บัว ปวัด เยีย เญย ต้ม ชะ หย่า ไฮ่ ม่าย เมี่ยน ฒุ่น เยีย เญย เม่ง ปวั๊ง ลู่ง เดี๊ย.

เฒี้ยว แอ๋ง ก๊อง บั๋ว โม​เซ, “มี่ง บั๋ว ฟา​โล, ‘เฒี้ยว, ฮิบ​ลู เมี่ยน เญย ทิน-ฮู่ง, ฮนั้ง น้าย นอ ก๊อง, “ปู๋ง เยีย เญย แปะ ฝีง มี่ง อ๊ะ, เหว่ย ปุน นิ่น บัว ไฮ่ หฒั่ง เยีย.”

สี ก๊อง เยีย อ๋อย โหฒว นอ, เยีย ฒู้ง ปุน เม่ย บัว ปุ๊ด ต้ม ววน-แป่ง ไต่ เหฑ่ง, ไม้ ตุ๊ เยียม น้าย ลู่ง เดี๊ย.

เฒี้ยว อ๋อย ปุน เม่ย บัว เญย แซง-คู้ เธี้ยง เญย เหยียด ฒู้ง ล่อ ม์า, ล่อ ท่อ, ง่ง, ปะกี ยู่ง เหธา ยู่ง ปุ๊ด ต้ม ววน. มป่า เฒี้ยว อ๋อย ปุน อิ​สะ​ลา​เอน เมี่ยน เญย แซง-คู้ เหธา อี​ยิบ เมี่ยน เญย แซง-คู้ ไม้ ฟี่ ฮนั้ง. อิ​สะ​ลา​เอน เมี่ยน เญย แซง-คู้ ไม้ หฒุ ไต่ เหยียด เต้า.’”

หมวัง เจี๊ยน โอ่. ฌัง ฮนอย เถา น้าย นอม เฒี่ยง โห่ อ๋อย ตุ้ย ต้ม เปาะ. เยียม เหลียบ เจี์ย อี​ยิบ เต่ย-ปูง เถา อี้ หฒั่น, ไม้ แก้ง ตุ้ย เจี๋ย เปาะ ด่ง น้าย หฑุ่น โฮล. อี้ หฒั่น อ๋อย หฒุ พ้าย เมี่ยน มี่ง ต้อ เยียม ลี่ง เต่ย เญย แซง-คู้ เหธา ม่าย เญย เหยียด ฒู้ง กะน้าย หฑวน ต้าย ปี๋ง เจี๊ยน. ไม้ กุ๊น เมี่ยน ไฟ แซง-คู้, ไม้ ต้อ หฑวน ต้าย ปี๋ง นอ, ฒู้ง หฒุ เปาะ เบ๊าะ ไต่ เหฑ่ง อ๊ะ.”’”

ซ้าย ฯฒฯ ฮนั้ง เนีย-บูง-หม่วน บูง มี่ง ปวั๊ง อี​ยิบ เต่ย-ปูง. เลี่ยม เมี่ยน เลี่ยม แซง-คู้ ฯฒฯ เฒี่ยง เฒว่ย กุ๋น หน่ง หย่า ฟ้าน ก๋อม เต่ย-ปูง.” โม​เซ บัว ฯฒฯ เญา เจี๊ยน โต์ว-เหฑ่า เญย ซ้าย มี่ง เถา ฟา​โล เญย หฑะเฮมียน, หย่า ฟ้าด ซ้าย ฝาว. เลี่ยม เมี่ยน เลี่ยม แซง-คู้ ฯฒฯ เฒี่ยง เฒว่ย เหฑ่ง. เฒว่ย หย่า ฮู้ เจี๊ยน เยียม.