Popular Bible Verses from เอ​เฟ​โซ 6

Share

เหว่ย หฒุ บัว ไม้ เหธา ป้าม เมี่ยน เบ๊าะ จ๋า. เซ เหธา เยียม ด๊าม-ลู่ง โหฒว โฮล เญย, ม่าย หลี่ง ม่าย ชะ กุ๊น น้าย หฮมวัง ไห่ เญย ป้าม เกน วั้ว เต๋ย, เหธา เหยียด ฒู้ง หว่าย ไห่ เญย เมี้ยน เบ๊าะ จ๋า.

อ๋อย หฒุ เขา สีง ลี่ง หฒั่นๆ เหว่ย หญู่งๆ เจ๊า เต๋า เก๋า โท้ ทิน-ฮู่ง. เหว่ย น้าย อ๋อย หฒุ กีง เจี๊ยน เฮญี้ยว เต๋า เก๋า, ไม้ ตู๋ง กวั่ง. อ๋อย หฒุ ไม้ ตี้ง เลี่ยว เญย เหว่ย ทิน-ฮู่ง เญย หฒวัง เมี่ยน เต๋า เก๋า.

อ๋อย หฒุ เฒาะ ทิน-ฮู่ง ปุน เญย เหยียด ฒู้ง เบ๊าะ จ๋า เญย หวัวะ กิ่น ฒอง เจี๊ยน. เม่ย บัว ฯฒฯ ไฮ่ โซ้ว ตุ๊ ว้วน, แหง่ง เจี๊ยน เมี้ยน เญย ฮู่ง กู๊ ไกว๋ เญย หฒะเอ๋ย.

เหว่ย น้าย อ๋อย หฒุ เฒาะ ทิน-ฮู่ง ปุน ต้าย เบ๊าะ จ๋า เญย เหยียด ฒู้ง หวัวะ กิ่น ฒอง เจี๊ยน. เถา วั้ว นอม เอ๊าะ ไห่ เญย ฮนอย เม่ย บัว ฯฒฯ ไฮ่ เหธา วั้ว เต๋ย วิน-วั้ง ต๋อย-เตก. โหฒว ลิ์ว หญู่งๆ เม่ย บัว หธ่อ ไฮ่ เยียม ตุ๊ ว้วน เญย.

ไม้ ตาน บัวะ น้าย. อ๋อย หฒุ หล่ง เสียน ฟิม โหฒว ท้อง-ป้าย นั้น เจี๊ยน ฯฒฯ ไฮ่ เหมียด ฮยวัง เอ๊าะ วั้ว เต้า ม่าย โต์ว เญย ฟอง-ธัง. อ๋อย หฒุ หล่ง เหฌียว เอน โหฒว เฮลียะ-หมั่ว ด๋ง เจี๊ยน. หย่า นั้น เจี๊ยน สีง ลี่ง เญย หฑุ ด๊าว, เซ ต้ง ทิน-ฮู่ง เญย หว่า.

ฮนั้ง หน่าย, โซ้ว ว้วน ม่าะ! หล่ง เฒียน เล์ย โหฒว โหว-ฮลาง ไซ เจี๊ยน จ๊าย. หล่ง โหฒว หอบ เญย เจ๊า โหฒว เฮลียะ-จ๊าบ ปวัง เจี๊ยน หละค้วด. หย่า อ๋อย หฒุ หฒั่นๆ หลิ่ว เล์ย เหฒียง ฒุ่น แป้ง ออน เญย คู้ เฝียน เหว่ย โหฒว เฮ่ ตาบ.

เซ้ด เมว์ย เยีย ขวิน เม่ย บัว, เม่ย บัว อ๋อย หฒุ เขา เฒี้ยว เย​ซู หย่า หล่ง นิ่น เญย ต้ม ชะ เป๋น เมี่ยน เฮ้น เมี่ยน.

“อ๋อย หฒุ ถง หนิ่ม เม่ย บัว เญย เตี๋ย หม่า.” น้าย เซ ตะเยี้ยด ติ้ว หลี่ง ม่าย แล์ง เญย หว่า เหธา เจี๊ยน. ฮนั้ง น้าย, “เหว่ย ปุน เม่ย บัว ตุ๊ หลง หย่า เฒี่ยง ตุ๊ เสี่ยว ญ่วน ด๊าว เยียม ป้าม เกน.”

ฝุเจว๊ย อ่า, เหว่ย หฒุ เม่ย บัว เสียน เฒี้ยว เย​ซู, เม่ย บัว อ๋อย หฒุ หมวัง เตี๋ย หม่า เญย หว่า. ฮนั้ง น้าย โหฒว เซ หอบ เญย.