Popular Bible Verses from ก๊อง เสย หฒั่ง 8

Share

เยีย ฯฒฯ เห่ว เมี่ยน เฌียน-โย่ว ออน-เหลาะ, เหว่ย หฒุ เยียม น้าย เสย หฒั่ง ไม้ ม่าย หาย หญู่ง เก้า หลง เมี่ยน ตุ๊ หญั่น ตุ๊ ฮบ, ปุน กั้น อะเฮน้ย ออน-เหลาะ. เหว่ย หฒุ ทิน-ฮู่ง ปุน เมี่ยน เยียม เสย หฒั่ง เฒี่ยง เญย ฮนอย-เหญียะ ล่าว หลุ่ย เญย เฒี่ยง โห่ ม่าย น้าย เต๋ย เฌียน-โย่ว เญย เจ๊า เหธา เจี๊ยน.

ไม้ กุ๊น เอ๊าะ เมี่ยน โหฒว เอ๊าะ เหยียด แป๊ะ หฑุ่น, หธ่อ ตุ๊ เฒี่ยง เสี่ยว ญ่วน ด๊าว, เยีย ฮิ้ว ตุ๊ กั้ม เหฑีย ทิน-ฮู่ง เญย เมี่ยน, เซ เยียม นิ่น เญย หฑะเฮมียน ท่าย นิ่น วั้ว เต๋ย, อ๋อย ตุ๊ หลง.

เหว่ย หฒุ หญู่งๆ สี่ ม่าย หอบ เญย เฒี่ยง โห่ เหธา หอบ เญย หฒะเอ๋ย, ไม้ กุ๊น เมี่ยน เญย โค้ว หน่าน งัด เจี๊ยน นิ่น บัว.

ไม้ ม่าย เมี่ยน ม่าย หัด ม์า กุ๊น ตุ๊ เฒี่ยง แหม่ง เญย เฉีย, ไฟ ม่าย หัด ม์า กุ๊น ไต่ เญย ฮนอย. เบ๊าะ ต้ม จ๋า เญย เฒี่ยง โห่, ไม้ ม่าย หาย เต้า พยัด ตุ๊ ดุ๊ด, ไม้ หฒุ เบ๊าะ จ๋า. เอ๊าะ เญย เจ๊า ไม้ ไฮ่ เหฌียว โหฒว เอ๊าะ เญย เมี่ยน.

ตี่ง ลิ์ว ฒุ์ย มป่า ไม้ เซี้ยบๆ เญย เอย เจี๊ยน ตี่ง ต้าย เญย โหฒว, หฒวัง เมี่ยน ฯฒฯ ม่าย เฮญี้ยว โหฒว เอ๊าะ สี่.

เยียม น้าย ลู่ง เดี๊ย แอ๋ง ม่าย เหยียด หญู่ง สี่ ขูง-ม่อง. คู้ เมี่ยน ปวั้ง เญย สี่ เซ ผุย เอ๊าะ เมี่ยน อ๋อย หฒุ ปวั้ง เญย. เอ๊าะ เมี่ยน หย่า ปวั้ง ผุย คู้ เมี่ยน อ๋อย หฒุ ปวั้ง เญย. เยีย ก๊อง น้าย เซ ฟี่ ฮนั้ง เญย ขูง-ม่อง.

ไม้ ม่าย หาย เต้า ฮิ้ว อ๋อย ธ้วด ต้าย เญย สี่, เหว่ย หฒุ ไม้ ม่าย หาย เต้า ไฮ่ ก๊อง บั๋ว นิ่น, สี่ อ๋อย ฮนั้ง หาย นอ ธ้วด.