Popular Bible Verses from 2 ทิ​โม​ไท 1

Share

ทิน-ฮู่ง เหธย ปุน บัว เซ ไม้ เฒ์ย กั้ม เหฑีย เญย เฮญี้ยว. นิ่น ปุน บัว เญย เฮญี้ยว ม่าย ชะ, ปุน บัว ฮนั้ม เมี่ยน, หย่า ไฮ่ กุ๊น ตุ๊ กั้น.

ทิน-ฮู่ง เหฌียว บัว, หย่า เห่ว บัว ต้าย โหฒว นิ่น เญย ธีง-เหฑ่ง เมี่ยน, ไม้ เฒ์ย เหว่ย บัว โหฒว เญย หาย หญู่ง คู้ สี่, เซ เอย นิ่น กั้น เญย หฒะเอ๋ย เหธา นิ่น เญย เอน ฮนั้ง. น้าย หญู่ง เอน, เยียม ต้ง ธอ หม่าน โก๊ว หม่าน ต่อย วั้ว หฒั่น ทิน-ฮู่ง หล่ง กี​ตู่ เย​ซู เหธย ปุน บัว.

เหว่ย น้าย เยีย เถง เม่ย จั๋ง เจี๊ยน เยีย มาน เจี๊ยน เม่ย วั้ว หฒั่น, ทิน-ฮู่ง เหธย ปุน เญย ฒี่ง เหญ่ย, เม่ย อ๋อย หฒุ ปุน ฮนั้ง โต์ว นอ หฮยาง ต้าย.

ฮนั้ง หน่าย, ไม้ ตู๋ง ไญ้ เถง บัว เญย เฒี้ยว เย​ซู โหฒว ฒอง-เหฒง. เยีย เหว่ย กี​ตู่ หฒุ หววน เจี๊ยน โล่, เม่ย หย่า ไม้ ตู๋ง เหว่ย เยีย ไญ้. ต๋าว หฑวน เม่ย หย่า อ๋อย หฒุ เขา ทิน-ฮู่ง เญย ชะ เหว่ย คู้ เฝียน ม่าย ป่วน เสี่ยว โค้ว.

เหว่ย น้าย คู้ เฝียน เยีย อี้ หฒั่น ฮนั้ง น้าย นอ เสี่ยว โค้ว. มป่า เยีย ไม้ ไญ้, เหว่ย หฒุ ฮิ้ว ตุ๊ เยีย เสียน เญย เซ หาย เต้า หย่า ฮิ้ว ตี่ง เยีย จิว ปุน นิ่น เญย, นิ่น ไฮ่ เปว เจี๊ยน เถา เซี้ยม ฒุ์ย วั้ว นอม ฮนอย.