Popular Bible Verses from 2 ฮู่ง โต้ว 4

Share

เอ​ลี​ซา หน่าย นิ่น, “เม่ย อ๋อย เยีย เถง เม่ย โหฒว หาย หญู่ง? บั๋ว เยีย ม่าะ! เม่ย เญย เปย๊า ม่าย หาย หญู่ง?” วั้ว เต้า เอ๊า-กว๊า ก๊อง, “เยีย, เม่ย เญย มเซียะ โปว, ขูง ม่าย เหยียด แป้ง ตอน กะลั้น โย่ว ฮนั้ง. ธ้วด ลิ์ว น้าย ไม้ ม่าย หาย หญู่ง.”

ม่าย เต้า วั้ว กวั้น โต่ว หว่า เมี่ยน เญย เอ๊า ต้าย เห่ว เจี๊ยน บั๋ว เอ​ลี​ซา, “เม่ย เญย โปว, เยีย เญย โหฆ, ไต่ หมี่ อ๊ะ. เม่ย หย่า ฮิ้ว ตุ๊ นิ่น ท่าย เฒี้ยว. มป่า อี้ หฒั่น แฒะ-เฒี้ยว อ๋อย ต้าย เฒาะ เยีย เญย อี เต้า ตอน มี่ง โหฒว โน่ว.”

เอ​ลี​ซา ก๊อง, “ธ้วด มี่ง ก๊า เม่ย เญย ล์าง หฒั่ง เมี่ยน เญย จา-ต๋อง, ต้ง ขูง เญย วั้ว หญู่ง, หย่า ไม้ ตู๋ง ก๊า โหฒะ.

ฆะฮ้า เม่ย เหธา เม่ย เญย ตอน เปียะ เปย๊า มี่ง โต๋ โย่ว ตั๊บ น้าย เต๋ย จา-ต๋อง. เหยียด นอม เหยียด นอม ตั๊บ ปวั๊ง มี่ง แอ๋ง กั้น อัน เหยียด ปูง.”

นอมๆ ตั๊บ ปวั๊ง เหฑ่ง, นิ่น ก๊อง บั๋ว นิ่น เญย ตอน, “แอ๋ง ต้อ นอม ต้าย ปุน มา.” มป่า นิ่น เญย ตอน ก๊อง, “ไม้ ม่าย เหยียด นอม อ๊ะ.” กะลั้น โย่ว ฯฒฯ ตี้ง, ไม้ เหลี่ยว ธ้วด อ๊ะ.

วั้ว เต้า เอ๊า-กว๊า ฯฒฯ มี่ง บั๋ว ทิน-ฮู่ง เญย เมี่ยน, เอ​ลี​ซา. เอ​ลี​ซา ก๊อง, “กุ๊น มี่ง อ๊ะ. ต้อ วั้ว เต๋ย โย่ว มี่ง หม่าย เหว่ย จ๊าว เม่ย เญย แฒะ. เหฒ่ง เหฌี่ย เญย ญ่าน เม่ย เหธา เม่ย เญย ตอน หล่ง ยู์ง แหม่ง.”

วั้ว เต้า เอ๊า-กว๊า ฯฒฯ เล่ย ฆอย เอ​ลี​ซา. ฆะฮ้า นิ่น ต้อ นิ่น เญย ตอน เปียะ เปย๊า แอ๋ง กวน เจี๊ยน แก้ง. นิ่น เญย ตอน ต้อ วั้ว เต๋ย จา-ต๋อง ต้าย. นิ่น เญย มา ฯฒฯ โต๋ กะลั้น โย่ว ตั๊บ.

ฆะฮ้า นิ่น ฝาว โหธว บ๊าบ วั้ว เต้า ตอน กู้ หงว่าย, ฑุ่ย ต๋อย ฑุ่ย, มฒีง ต๋อย มฒีง, ปั์ว ต๋อย ปั์ว. ซูง หฒะ ซิน วั้ว หฒั่น, วั้ว เต้า ตอน เญย ซิน กุ๊น โหฒว กุ๊น จอม.