Popular Bible Verses from 1 ซา​มู​เอน 17

Share

ดา​วิด หย่า ก๊อง บั๋ว วั้ว เต้า ฟี​ลิ​สะ​เตีย เมี่ยน, “เม่ย นั้น หฑุ ด๊าว, นั้น ธัง เหธา ปิว เญย ธัง ต้าย เหธา เยีย เบ๊าะ จ๋า, มป่า เยีย เต๊ง เน่น เจี๋ย เญย เฒี้ยว เญย บั๋ว ต้าย, เซ อิ​สะ​ลา​เอน จุน-แปง เญย ทิน-ฮู่ง, ต้ง เม่ย โด๊ว วั้ว เต้า.

กั๊บ ฒุ้น เยียม น้าย เญย หฒวัง เมี่ยน ฯฒฯ ฮิ้ว ตุ๊ เฒี้ยว ไม้ เฒ์ย หล่ง หฑุ ด๊าว ไฟ ธัง เหฌียว เมี่ยน, เหว่ย หฒุ เบ๊าะ น้าย หฑุ่น จ๋า เซ เฒี้ยว เญย สี่. นิ่น ฒู้ง อ๋อย เฒาะ เม่ย บัว เหยียด ฒู้ง จิว ปุน เยียม เยีย บัว เญย ปั์ว-เดี๊ย.”

ดา​วิด แอ๋ง ก๊อง, “เฒี้ยว, ต้ง เหฌียว เยีย เปย๋า ดุ๊ด เซี่ยน เญย ญิ้ว เหธา เจี๊ยบ เญย ญิ้ว วั้ว เต้า, หย่า อ๋อย เหฌียว เยีย เปย๋า ดุ๊ด น้าย เต้า ฟี​ลิ​สะ​เตีย เมี่ยน เญย ปั์ว.” เซา​โล ก๊อง บั๋ว ดา​วิด, “กุ๊น มี่ง อ๊ะ. โท้ เฒี้ยว เหธา เม่ย เยียม.”

อี้ ฮนอย เฒี้ยว อ๋อย เฒาะ เม่ย จิว ปุน เยียม เยีย เญย ปั์ว-เดี๊ย. เยีย อ๋อย ไต๋ เม่ย, ฮงะ ดุ๊ด เม่ย เญย มฆ้อง. อี้ ฮนอย เยีย อ๋อย เฒาะ ฟี​ลิ​สะ​เตีย เมี่ยน เญย จุน-แปง เญย เซย ปุน ลู่ง หฒั่ง เญย เหนาะ เหธา หล่ม หฒั่ง เญย เฮยี่ย ฒ่อย หญั่น, เหว่ย ปุน ลู่ง เดี๊ย เมี่ยน ฮิ้ว ตุ๊ เยียม อิ​สะ​ลา​เอน กะญั์ว ม่าย เต้า ทิน-ฮู่ง.

นิ่น ฯฒฯ นั้น เจี๊ยน นิ่น เญย ปย๊า-บย่า มี่ง วั้ว โด๊ะ-เฮลน กิ๊น ตุ๊ ปยา นอม เฮลี้ยว ฌัง เญย หละเปย๊ย ต้าย ตั๊บ เจี๊ยน นิ่น ปุ๋ย มี่ง โก๋ว ปะกี ยู่ง เญย บัวะ จ๋อง. ปั์ว นั้น เจี๊ยน เฝง หละเปย๊ย เญย ด๊บ-ฮลาง. นิ่น ฯฒฯ มี่ง นิด ฟัด วั้ว เต้า ฟี​ลิ​สะ​เตีย เมี่ยน.

ดา​วิด ก๊อง บั๋ว เซา​โล, “ไม้ ตู๋ง ปุน หาย เต้า หลาย ฟี​ลิ​สะ​เตีย เมี่ยน ต๊าม มับ. เยีย, เม่ย เญย โปว, อ๋อย มี่ง เหธา นิ่น เบ๊าะ จ๋า.”