Popular Bible Verses from 1 ปี​เต 1

Share

บัว อ๋อย หฒุ เธง บัว เญย เฒี้ยว เย​ซู กี​ตู่ เญย เตีย, ทิน-ฮู่ง. นิ่น หฒะเก้ง! ค้อ-เลี่ยน ไห่ บัว. เย​ซู กี​ตู่ ไต่ มี่ง, ทิน-ฮู่ง แอ๋ง ปุน นั่ง ต้าย, ปุน บัว เขา นิ่น แอ๋ง เซียง-ยู์ง เจี๋ย, ฯฒฯ ตุ๊ เหยียด ลิ์ว ม่าย ลั่ม ฮนั้ม ต๋อง. ฮนั้ง หน่าย บัว ฯฒฯ ไฮ่ เสี่ยว ไม้ ไฮ่ เหมียด, ไม้ ไฮ่ ฮู้, ไม้ ไฮ่ หฒิด เญย ป่วน, ต้ง ทิน-ฮู่ง เหว่ย นิ่น เญย เมี่ยน เซียว เจี๊ยน วั้ว ทิน-ต้อง เญย ป่วน.

เหว่ย น้าย เม่ย บัว อ๋อย หฒุ ออน-เหลาะ ไม้ กุ๊น อี้ หฒั่น หฒุ เสย, เสี่ยว ธั้ม-หญู่ง โค้ว หน่าน, เฑ่า หธาม ป๊า. น้าย เต๋ย สี่ เซ เหว่ย ปุน ธีง เม่ย บัว เฒียนๆ เญย เสียน. เสียน ฟิม เซ เก้า จ๋าย เจี๋ย เจียม. ไม้ กุ๊น เจียม ไฮ่ หฒิด หธ่อ อ๋อย หฒุ หล่ง โต์ว สิน. ฮนั้ง หน่าย, อ๋อย หฒุ เสย หมั่ง เม่ย บัว เญย เสียน ฟิม. เถา เย​ซู กี​ตู่ แอ๋ง ต้าย วั้ว หฒั่น, ทิน-ฮู่ง ฯฒฯ เธง เม่ย บัว, ท่าย เม่ย บัว, ปุน เม่ย บัว ตุ๊ ฌัง-หล่าง.

เห่ว เม่ย บัว ต้าย วั้ว เต้า เซ ธีง-เหฑ่ง เญย. เยียม เม่ย บัว โหฒว เญย หญู่งๆ สี่ เม่ย บัว หย่า อ๋อย หฒุ ฮนั้ง นิ่น นอ, ธีง-เหฑ่ง. เหว่ย หฒุ กีง-โซว ก๊อง, “เม่ย บัว อ๋อย หฒุ ธีง-เหฑ่ง เหว่ย หฒุ เยีย เซ ธีง-เหฑ่ง เญย.”

เม่ย บัว โหฒว หมวัง ทิน-ฮู่ง เญย หว่า เญย น่าม โญ์ว. ไม้ ตู๋ง เอย เจี๊ยน เม่ย บัว เญย เฮญี้ยว หั่น โหฒว, ฮนั้ง ฒิ่น ด่าง เม่ย บัว ไม้ แก้ง ฮิ้ว เญย เฒี่ยง โห่ โหฒว เญย นอ.

เหว่ย น้าย อ๋อย หฒุ หลิ่ว เล์ย เหฒียง เฮญี้ยว, กุ๊น เจี๊ยน กั้น, หย่า หล่ง เหฑ่ง เฮญี้ยว ฮนั้ม เย​ซู กี​ตู่ แอ๋ง ต้าย วั้ว หฒั่น นิ่น อ๋อย เหธย ปุน เม่ย บัว เญย เอน.

ฮนั้ง กีง-โซว ก๊อง นอ, “เหยียด ฒู้ง ป้าม เมี่ยน เซ ฮนั้ง เมี้ย นอ, นิ่น บัว เญย ฌัง-หล่าง หย่า ฮนั้ง เมี้ย เญย เปี้ยง. เมี้ย ฆาย มี่ง, เปี้ยง หย่า โปย้. มป่า เฒี้ยว เญย โต์ เหยียด ลิ์ว เยียม.” น้าย โต์ เซ ฒุ่น ปุน เม่ย บัว หมวัง เญย คู้ เฝียน.