Popular Bible Verses from Arumi 5

Share

Ela Mulungu wahwonyesa unahuhenza muno, kwa kumulavya Jeso Kʼirisito afe kwa dzulu yehu, na hata siswi hwakala hucheri adambi.

Na gago hugalolerago, bee kʼagandahuvunza moyo kwakukala, Mulungu wahupʼa Rohowe kare, na yiye Rohowe unahungʼazira kukala, Mulungu unahuhenza muno.

Na chisha, hunahamirwa vivyo hushononeswapho, kwakukala, hunamanya shenene yinareha kuvumirira, na kuvumirira kunareha mwendo umuhamirao Mulungu, na mwendo uo, ndio urehao kukala na kanuni na gago hugalolerago.

Ajeso asena, kwahivira Mulungu wahuphokera dza enye haki kwa kuluphiro, vivi hunasagala na reri na Mulungu, kuchirira Bwana wehu Jeso Kʼirisito. Yiye ndiyehwidimisa kumanya uo udzo wa Mulungu kwa hwamukuluphira, na vivi Mulungu unaenderera kuhwonyesa udzowe. Ndo hunahamirwa muno yenye, kwakukala, hunalolera na kanuni kukwezwa, hukale phamwenga na Mulungu.

Na Jeso Kʼirisito naye, wafa o ukati okala upangirwa ni Mulungu, kwa ahwavize siswi atʼu okala hu ai, na kʼahwidima kudzaviza enye.

Ndo kwahivira vivi siswi hwaphokerwa ni Mulungu dza enye haki, kwa Jeso Kʼirisito wamwaga milatsoye, rindakala neno dide muno kwakwe kuhutivya siswi na cho chitai cha Mulungu.

Atʼu anji andaphokerwa ni Mulungu dza enye haki kwakukala, mutʼu mumwenga Jeso Kʼirisito wamogopha Mulungu, dza viratʼu arivyo atʼu anji átarwa adambi kwakukala, mutʼu mumwenga Adamu kʼamogophere Mulungu.

Na hata tsʼi gago hicheye tu, ela Mulungu unahuhenda huhamirwe kuchirira Bwana wehu Jeso Kʼirisito, ariye ndiyehuhenda hukale asena a yiye Mulungu vivi.