Popular Bible Verses from Ginpadayag 2

Share

Kundi iini an akon dinidirian ha imo: diri ka na yana nahigugma ha akon sugad han syahan mo nga paghigugma ha akon.

Pamalandong daw kon ano kahitaas an imo nahulogan! Bayai an imo mga sala ngan balika an imo mga ginbuhat hadto. Kon diri mo bayaan an imo mga sala, mapakada ako ha imo ngan kukuhaon ko an imo burutangan hin suga ha iya hinmumutangan.

Ayaw kahadlok han bisan ano nga imo pag-aantoson. Pamati! Pagsasarihan ka han Yawa pinaagi hin pagpriso ha imo, ngan mag-aantos ka sulod hin napulo ka adlaw. Sarig ha akon bisan kon unongan mo han imo kinabuhi, nga ihahatag ko ha imo an upa han pagdarag-an nga amo an kinabuhi.

“Sanglit kon may-ada ka durunggan, pamati han igsisiring han Espiritu ngadto han mga singbahan! “Adton makakapot han pagdarag-an ihahatag ko an katungod hin pagkaon han bunga han kahoy han kinabuhi nga gintanom didto han Tanaman han Dyos.

Maaram ako han imo ginbuhat; maaram ako han pagkamakuri han imo pagkabudlay, ngan han imo kamailobon. Maaram ako nga nadiri ka han mga magraot nga tawo, ngan imo ginsarihan adton mga napaka apostol, ngan imo hinsabutan nga mga buwaon ngay-an hira.

Mailobon ka, nag-aantos ka hin mga kakurian tungod ha akon, ngan waray ka palupig.

“Kon may-ada ka durunggan, pamati han igsisiring han Espiritu ngadto han mga singbahan! “Adton makakapot han pagdarag-an ihahatag ko an tinago nga mana. Ihahatag ko liwat an busag nga bato diin isinurat in bag-o nga ngaran nga waray maaram labot han makarawat hini.