Popular Bible Verses from Mga Salmo 84

Share

GINOO an panalipod, arayopan, ngan amo an aton hadi nga gamhanan; an nahatag ha aton hin kaupayan, hin mga kalooy ngan hin kadungganan. Waray maupay nga iya pinupugngan hadton mga magtadong an binuhatan.

An usa ka adlaw dida han im' Templo, labaw pa hin yukot dit' ha gawas hito; gabay ha porta han balay han Dyos ako kay ha balay han magraot ak' magpuyo.

Hin pagkapalaran, pagkamalipayon han may kusog nga tikang ha im' naangkon; an may'da kasindak hin paglinakaton, ha dalan tikadto ha Bukid Sion!

Duro na gud an akon pag-ikaradto, nahihidlaw ako han mga ruwang mo. Mga ruwang hadton Templo han GINOO amo'n ginhihingyap han kinabuhi ko. Hin malipayon gud magkakanta ako, ngadto hadton Dyos nga buhi hin tutoo!