Popular Bible Verses from Mga Salmo 63

Share

O Dyos, ikaw amo gudla an Dyos nakon, ngan pirme ko ikaw nga pangangandoyon; ngan an bug-os gud nga pagkatawo nakon, nag-uungara ha imo hin padayon. Kauhaw han kalag ko para ha imo, sugad hin tuna nga uga na hin duro; nga waray gud tubig bis' usa ka turo, akon unod nangangandoy gud ha imo.

Kay han kinabuhi mauruupay pa, adton imo dayuday nga paghigugma; sanglit akon mga im-im nagkakanta, ngan akon gudman nga pagdadayawon ka.

Magpapasalamat gud ako ha imo, samtang nga iini ngan buhi pa ako; akon mga kamot aalsahon ngadto, ngadto ha imo para gud hin pag-ampo.

Sanglit pakitaa gudman ak' ha imo, didto hadton ruwang hadton imo Templo; pakitaa ako kon matiunan-o, an pagkagamhanan, pagkaharangdon mo.

kay dayuday nagin kabulig ka nakon. Tungod hin kalipay ako nagkakanta, ha lambong han imo mga pako manta. Ha imo an akon kalag pahangkopa, tuo mo nga kamot ha ak' patalwasa.

Ikaw an akon gud nahinunumduman, ha akon paghigda ha akon higdaan; ha bug-os nga gab-i ginpipinanumdom