Popular Bible Verses from Mga Salmo 51

Share

Linisi an akon kasingkasing, O Dyos, ngan pagbag-ohi ako hin mapinadayonon nga espiritu.

Ipahioli ha akon an kalipay han imo katalwasan, ngan andama ako hin pagsugot ha imo.

Ayaw ako isikway ha imo atubangan, ngan ayaw kuhaa ha akon an imo baraan nga espiritu.

An akon halad amo in usa nga mapinaubsanon nga espiritu, O Dyos; diri mo pagtatamayon in mapinaubsanon nga nagbabasol nga kasingkasing.

Kalooyi gad ako, O Dyos, tungod han imo dayuday nga paghigugma. Tungod han imo dako nga pagkalooy paraa an akon mga sala! Hugasi an ngatanan ko nga karat-an ngan linisi ako han akon sala!

Kuhaa an akon sala, ngan magmamalinis ako; hugasi ako, ngan magmamabusag ako labaw pa hin gapas.

Nakasala ako ha imo—ha imo gudla, ngan ginbuhat ko an maraot ha imo atubangan. Sanglit matadong an imo paghukom ha akon; ngan waray sayop an imo paghatag hin sirot.