Popular Bible Verses from Mga Salmo 42

Share

Kay ano nga masulob-on man ako? Kay ano nga nasasamok man ako? Maglalaom ako han Dyos, ngan ha makausa pa pagdadayawon ko hiya akon magtaralwas ngan akon Dyos.

Sugad hin bugsok nga inuuhaw hin mahagkot nga tubig, inuuhaw man ako ha imo, O Dyos. Inuuhaw ako ha imo, an buhi nga Dyos. San-o ako kakadto ngan pagsisingba ha imo atubangan?

Kay ano nga masulob-on man ako? Kay ano nga nasasamok ako? Maglalaom ako han Dyos, ngan ha makausa pa pagdadayawon ko hiya, akon magtaralwas ngan akon Dyos.

Adlaw gab-i nagtatangis ako, ngan an mga luha amo la an akon pagkaon; ha dayuday napakiana ha akon an akon mga kaaway, “Hain man an imo Dyos?”

Mabug-on an akon kasingkasing dinhe ha akon pagkabihag, sanglit nahinunumdom ako ha iya. Ginpadad-an niya hin mga balod hin kabidoon an akon kalag; nagngungurob ha akon an mga pagkasamok pareho hin baha, pareho hin mga busay nga nagbubuhos ngadto han Jordan tikang ha Bukid Hermon ngan Bukid Mizar.