Popular Bible Verses from Mga Salmo 40

Share

Duro gud an akon paghinulat han kanan GINOO tambulig; ngan namati hiya ha akon ngan nadungog an akon pagsangpit. Ginkuha ako niya tikang hin makaharadlok nga luong, tikang hin malapok nga buho! Ginpahimutang ako niya nga talwas na dida hin bato ngan ginparig-on ako.

Gintutdoan ako niya pagkanta hin bag-o nga kanta, kanta hin pagdayaw ha aton Dyos. Mahahadlok in damo nga makakakita hini, ngan masarig hira han GINOO.

Palaran an tawo nga nasarig han GINOO, nga diri napakadto ha mga diyosdiyos, o natampo hadton mga nagsisingba hin buwa nga mga diyos.

Hin kamaruruyagon ko pagbuhat han imo kaburut-on, O Dyos ko! Tinitipigan ko ha akon kasingkasing an imo pagturon-an.”

Maaram ako nga diri ka gud mahunong hin kamaloloy-on ha akon, O GINOO! Pirme mananalipod ha akon an imo gugma ngan kamaunongon.