Popular Bible Verses from Mga Salmo 139

Share

Gindadayaw ko ikaw kay angay ka kahadlokan; makabuburong ngan urosahon an ngatanan nga imo binubuhat. Sayod ako hito ha bug-os ko nga kasingkasing.

Susiha ako, O Dyos, ngan tugkara an akon kasingkasing; sarihi ako, ngan santopa an akon mga panhunahuna. Kitaa kon may-ada bisan ano nga karat-an ha akon, ngan mandoi ako dida han dayon nga agianan.

Ikaw an naghimo han tagsa ko nga bahin; ginturugkop mo ako ha tagoangkan han akon iroy.

Hinkit-an mo ako han waray pa ako katatawo. Iginlista ngatanan ha imo basahon an mga adlaw nga ginhimo para ha akon, han waray pa ngani magtikang in bisan usa ha ira.

O GINOO, gin-usisa mo ako, ngan kinikilala mo ako.

Ngain man ako papalagiw tikang han imo espiritu? Ngain man ako lilikaw han imo presensya?

Maaram ka han ngatanan nga akon binubuhat, nasasabtan mo tikang hin hirayo an ngatanan nga akon panhunahuna.

Maaram ka na ngadaan han akon igsisiring bisan diri pa ako nagyayakan.

Kinikita mo ako, kon nagbubuhat o kon napahuway ba ako; maaram ka han ngatanan nga akon mga ginawian.