Popular Bible Verses from Mga Salmo 103

Share

An GINOO, kalag ko, imo pagdayawon, an iya pagkamaupay diri mo limoton.

Napasaylo hiya han akon mga sala, an akon mga sakit gintatambal niya. Pinapahirayo ako niya ha lubnganan, gugma ug kalooy ako niya tinatagan. An akon kinabuhi iya ginpupun-an, han iya mga mag-upay nga butang. Basi ako magpadayon hin kabata ug kakusog, sugad hin kusgan ug malaksi nga banog.

An GINOO, kalag ko, imo pagdayawon, an iya baraan nga ngaran akon pagdayegon.

Sugad nga an amay han iya anak maloloy-on, amo man an GINOO hadton ha iya mahadlokon.

Sugad nga hirayo adton sinirangan, han namamarapara nga katundan; amo man an kahirayo han iya pagkuha, tikang ha aton han aton mga sala.

An GINOO maloloy-on ug mahigugmaon, mahinay masina, may gugma nga dayon.

Diri kita niya ginsisirotan, sumala ha igo ha aton ug kaangayan. Diri man kita niya ginbabalosan, sumala han aton mga kasal-anan. Sugad kahitaas hadton kalangitan, ha igbaw han tuna hinin kalibutan; amon man kadako an iya paghigugma, hadton may pagtahod, kahadlok ha iya.

Gintindog ha langit an trono han GINOO, hiya an hadi han ngatanan nga hinimo.