Popular Bible Verses from Mga Darahonon 6

Share

May pipito nga mga butang nga napupungtan han GINOO ngan dinidiri gud niya: Mapinahitas-on nga paniplat, buwaon nga dila, mga kamot nga napatay hin tawo nga waray sala, hunahuna nga naglalarang hin karat-an, mga tiil nga nagdadagmit hin pagbuhat hin maraot, saksi nga dayuday an pagbinuwa, ngan tawo nga nag-aaghat hin kasamokan dida hin kasangkayan.

Kinahanglan mahibaro an hubya nga mga tawo hin mga pagturon-an tikang han mga tubak.

“Mapiyong ako hin madaliay,” nasiring hiya; “Makirugtol ako ngan mapahuway la ako anay.” Kundi samtang nakaturog hiya, susulongon hiya han kakablasan nga sugad hin armado nga tikasan.

Anak ko, buhata an iginsugo ha imo han imo amay, ngan ayaw gud hingalimti an igintutdo ha imo han imo nanay. Dayuday tipigi an ira mga pulong dida han imo kasingkasing.