Popular Bible Verses from Mga Darahonon 29

Share

May kataragman an pagkabaraka han ginhuhunahuna ha imo han iba, kundi waray ka na kataragman kon sumarig ka han GINOO.

An nasod nga diri minandoan han Dyos waray katuhayan. Malipayon an tawo nga nagtutuman han balaod han Dyos.

Iginpapadayag han mga lurong an ira kasina, kundi an tawo nga may buot maaram magpailob ngan magpugong han iya kasina.

An pagsaway ngan pagkastigo maupay para han kabataan. Kon pasagdan la in usa nga bata han iya karuyag, maaawod an iya nanay tungod ha iya.

Tutdoi hin matadong an imo anak, ngan dayuday ka malilipay ha iya. Diri ka gud niya pagpapakaalohan.

Magdadara han imo pagkapukan an pagkamapinahitas-on, kundi pagtatahoron ka kon ikaw mapinaubsanon.

An mga tawo nga madali masina nakakaaghat hin damo nga mga lantugi ngan kasamokan.

May-ada pa paglaom para hin usa nga lurong kay hin tawo nga diri nanhuhunahuna, nga nayayakan la dayon.