Popular Bible Verses from Mga Darahonon 22

Share

Pagtutdoi an bata nga magmatadong an iya kinabuhi, ngan hinunumdoman ini niya ha bug-os niya nga kinabuhi.

Pagtahora an GINOO ngan pagmapinaubsanon, ngan maiimo an karikohan, kadungganan, ngan hilawig nga kinabuhi.

Kon papilion ka han maupay nga bantog ngan han dako nga karikohan, pilia an maupay nga bantog.

Ayaw pakigsangkay hin mga tawo nga mag-isog ngan uraura hin kapungtanon.

Pagmahinatagon ngan paangbita an mga kablas han imo pagkaon. Bebendisyonan ka tungod hini.

Makita ngan malikay an may buot nga mga tawo han tiarabot nga kasamokan, kundi matapo lugod han kasamokan an tapang nga tawo, ngan ha orhe iya ini pagbabasolan.

Mga oripon han riko an mga kablas nga tawo. Pag-utang hin kwarta ngan maooripon ka han tawo nga imo gin-utangan.

An mga kablas ngan an mga riko may-ada ginkakausaan: hira nga duha ginhimo han GINOO.

Ayaw singabot han mga kablas tungod la nga makakahimo ka hini; ayaw pahimulosi adton mga makalolooy didto ha hukmanan. An GINOO an makikiglantugi para ha ira han ira kalipongan, ngan pagtatarhogon niya an bisan hin-o nga nagtatarhog han ira kinabuhi.