Popular Bible Verses from Mga Darahonon 19

Share

Makakaglarang in mga tawo hin magkalainlain nga mga butang, kundi na kaburot-on la han GINOO amo an matutuman.

Kon nahatag ka ngadto han mga kablas sugad ini hin ginpapautang mo an GINOO, ngan an GINOO an mabayad ha imo.

Kon maupay an imo panhunahuna pagpupugngan mo an imo kasina. Kon may makasayop ha imo, dako ini nga kadungganan kon diri ka magsukmat ha iya.

Kon mamati ka hin sagdon ngan karuyag mo hin pag-aram, may adlaw nga maaangkon mo an kinaadman.

Pagtahora an GINOO ngan mabubuhi ka hin maiha, nga kontento ngan talwas tikang han mga kataragman.

Pagbuhati hin maupay an imo kalugaringon ngan pag-admi an ngatanan nga imo mahihimo; niyan hinumdomi an imo hinbabaroan ngan magmamainuswagon ka.

Tutdoi hin matadong an imo mga anak samtang bata pa ngan masayunay pa hira mahibaro. Kon diri mo ini pagbuhaton, binubuligan mo la hira hin pagdaot han ira kalugaringon.

Diri makakalikay han kastigo an tawo nga nagbibinuwa didto ha hukmanan; maghihikaraot gud hiya.