Popular Bible Verses from Mga Darahonon 1

Share

An pagtahod han GINOO amo an tinikangan han kinaadman. Kundi an lurong nga mga tawo waray pagtahod han kinaadman ngan nadiri hira nga katutdoan. Anak ko, pamatii an igintututdo ha imo han imo amay ngan tumana an tugon ni imo nanay.

Napatay an tapang nga mga tawo kay sinisikway nira an kinaadman. Napatay liwat an lurong nga mga tawo tungod han ira kakulang hin panginlabot. Kundi diri gud maaano an bisan hin-o nga mamati ha akon. Waray niya kataragman, ngan waray gud angay niya kahahadlokan nga maraot.”

Makakadugang pa ngani ini nga mga darahonon hin hibaro ngadto hadton mga makinaadmananon, ngan makakahatag hin sagdon hadton mga mag-aram

Anak ko, ayaw itugot nga pagsulayon ka hin mga makasasala.

An mga darahonon ni Solomon nga anak ni David ngan hadi han Israel. Iini in mga darahonon nga makakabulig ha imo hin pagkilala han kinaadman ngan maupay nga sagdon, ngan hin pagsabot han hilarum nga mga kahulogan hin mga paaliday. Makakatutdo ini ha imo hin pag-ukoy hin usa nga kinabuhi nga masinaboton, ngan kon uunanhon hin pagkatangkod, pagkamatadong, ngan pagkamaupay. Makakahimo ini nga magkaada hibaro an usa ka tawo nga kulang pa hin gin-agian ha kinabuhi, ngan makakatutdo han mga batan-on hin pagkamakugi.

Niyan matawag kamo ha akon, kundi diri ako mabaton. Mamimiling kamo ha akon ha ngatanan nga dapit, kundi diri ako niyo hiaagian. Waray gud gamit ha iyo an hibaro, ngan dayuday la kamo nagdudumiri hin pagsugot han GINOO.