Popular Bible Verses from Pagnguyngoy 1

Share

Hin pagkamamingaw nga nag-uusaan an Jerusalem nga hadto anay puno hin mga tawo! Pinasidunggan hiya hadto anay han kalibutan, yana sugad na la hiya hin balo nga babaye. An labi kahamili han mga syudad nahulog ngadto ha pagkaoripon.

Waray hunong an iya pagtangis ha bug-os nga gab-i; nadaligdig ha iya mga bayhon in mga luha. Waray usa han iya kasangkayan hadto, in nahibilin hin pagliaw ha iya. Ginlingo hiya han iya kasangkayan, ngan yana nakig-away hira ngatanan ha iya.

“Tan-awa, O GINOO, an akon pagharoy, an kagul-anan han akon kalag! Mabidoon gud an akon kasingkasing tungod han akon mga sala. Damo an ginpatay didto han kakalsadahan, ngan ha sakob han mga balay.