Popular Bible Verses from Jeremias 8

Share

Waray ba bulong didto ha Galaad? Waray ba mga magtarambal didto? Kay ano man nga waray matambal an akon mga tawo?

Ginsugo ako han GINOO hin pagsiring ngadto han iya mga tawo, “Kon may natutumba, diri ba hiya nabuhat? Kon may nawawara han dalan, diri ba hiya nabalik?

Bisan an mga talabong mag-aram kon panahon na hin pagbalik; maaram an mga sarapati, mga balinsasayaw, ngan mga tuhil kon panahon na hin pagbalhin. Kundi, mga tawo ko, diri kamo maaram han mga balaod nga amo an nagdudumara ha iyo.

Namati ako hin maupay, kundi waray kamo magyakan han kamatuoran. Waray usa ha iyo nga nagbasol tungod han iya pagkamaraot; waray usa ha iyo nga pinmakiana, ‘Ano nga sayop an akon nabuhat?’ Nagpapatakas an tagsatagsa han iya kalugaringon nga paagi sugad hin usa nga kabayo nga nagdadali ngadto ha pag-awayan.

Naalohan an iyo makinaadmananon nga mga tawo; nagugupong ngan nabibitik hira. Ginsalikway nira an akon mga pulong; ano na man yana an ira kinaadman?