Popular Bible Verses from Jeremias 22

Share

“Nagsusugo ako nga GINOO nga pagbuhaton niyo an angay ngan matadong. Panalipdi an tawo nga ginlilimbongan hadton karuyag maglimbong ha iya. Ayaw niyo buhati hin maraot o pagraogdaoga an mga lumalangyaw, an mga ilo, o an mga balo nga kababayen-an; ngan ayaw kamo pagpatay hin mga tawo nga waray sala dinhe hini nga baraan nga dapit.

Nakakahimo ba ha imo nga mauruupay nga hadi kon nagtitindog ka hin mga balay nga sidro, nga mauruupay kay han kanan iba balay? Nagpahimulos an imo amay hin hura nga kinabuhi. Dayuday hiya matadong ngan maupay, ngan nagmainuswagon hiya ha ngatanan nga iya ginbuhat. Tinagan niya hin matadong nga paghukom an mga kablas, sanglit waray karat-an nga inmabot ha iya. Amo ini an kahulogan han pagkilala han GINOO.

Maghihikaraot an tawo nga nagtitindog han iya balay hin diri matadong nga paagi, ngan nagpapahiluag hini hin linimbong nga paagi; nga nagpapatrabaho han iya igkasi-tawo hin waray bayad, ngan diri nahatag hin suhol ha ira.