Popular Bible Verses from Jeremias 20

Share

Kundi ugop ka ha akon, O GINOO nga makusog ngan gamhanan, ngan diri makakadaog adton mga nagtitimaraot ha akon. Maaalohan hira ha kadayonan, kay diri hira magmamainuswagon. Diri gud hingangalimtan an ira makaarawod nga buhat.

Pagkanta ngadto han GINOO! Pagdayawa an GINOO! Tinatalwas niya an mga gintatalumpigos tikang ha gahom han magraot nga mga tawo.

Ha kada pagyayakan ko, kinahanglan gumoliat ako hin pagsiring, “Panlupig! Kabungkagan!” GINOO, dayuday ginpapakaalohan ako ngan ginyuyubit, kay ginsasangyaw ko an imo mensahe. Kundi kon nasiring ako, “Hingangalimtan ko an GINOO, ngan diri na gud ako magyayakan ha iya ngaran,” niyan sugad hin kalayo an imo mensahe nga naglalaga ha akon dughan. Gintitinguha ko hin maupay nga matipigan ini, kundi diri ako nakakapugong.